Deputetja holandeze Kati Piri, e cila është edhe anëtare e Këshillit Evropian për Marrëdhënie të Jashtme, ka folur për çështjen e Ballkanit Perëndimor.
Në një shkrim në llogarinë e saj zyrtare në Twitter, Piri ka thënë se Holanda ka ndryshuar sa i përket integrimit evropian të shteteve të BP-së.
Pos disponimit për zgjerimin e BE-së, deputetja ka shtuar se parlamenti holandez janë të gatshëm për ta rishikuar qëndrimin për liberalizimin e vizave për qytetarët e Kosovës.
Tutje ka përmendur edhe mbështetjen e Holandës për fillimin e negociatave me Shqipërinë dhe Maqedoninë e Veriut për në BE.
“Pas vitesh veto holandeze për zgjerimin e BE-së, disponimi po ndryshon në parlamentin: të mbështesë kandidaturën në BE të Ukrainës dhe Moldavisë, të përkushtuar për kandidimin e Gjeorgjisë, pasi të plotësohen kushte, të gatshëm të rishikojnë liberalizimin e vizave për Kosovën, mbështetja për fillimin e negociatave me Shqipërinë dhe Maqedoninë e Veriut”, ka thënë Piri.
Mbështetjen e Parlamentit Evropian e ka përsëritur të mërkurën edhe presidentja e Parlamentit Evropian, Roberta Metsola.
Pas takimit që ka pasur me Presidenten e Kosovës, Vjosa Osmani, ka thënë se “liberalizimi i vizave duhet të ndodhë pa vonesa”.
Ndryshe, Komisioni Evropian në korrik të vitit 2018, e ka dhënë rekomandimin pozitiv për liberalizimin e vizave, ndërkaq në shtator të po atij viti, Parlamenti Evropian ka votuar në favor të tij.
Mirëpo, në muajin dhjetor të vitit të kaluar, dhe në qershor të këtij viti, Këshilli i Ministrave nuk e ka vendosur fare në agjendën e takimit të tij, çështjen e liberalizimit të vizave për Kosovën.
Ndërkaq, Holanda dhe Franca për vite të tëra kanë qenë skeptike për heqjen e vizave për Kosovën. /Telegrafi/
After years of Dutch veto’s re EU enlargement, mood is changing in 🇳🇱 parliament:
– support EU candidacy 🇺🇦🇲🇩
– committed to 🇬🇪 candidacy once conditions are met;
– willing to review Kosovo visa liberalization;
– support start negotiations 🇦🇱 🇲🇰— Kati Piri (@KatiPiri) June 22, 2022
Glad to welcome #Kosovo President @VjosaOsmaniPRKS.@Europarl_EN calls for further & quicker integration of Western Balkans, to fight Russia’s malign influence.
Visa liberalisation should be granted without delay.
Women empowerment, reforms & energy transition also on agenda. pic.twitter.com/hmzLb4SI3n
— Roberta Metsola (@EP_President) June 22, 2022