Një pasagjer, pa asnjë përvojë fluturimi ka bërë uljen e një aeroplan në një aeroport në Florida pasi piloti thuhet se pësoi një urgjencë shëndetësore, raporton CNN.
Administrata Federale e Aviacionit po e heton incidentin, i cili ndodhi pasditen e së martës.
Në një deklaratë, FFA tha se dy pasagjerë ishin në bordin e Cessna 208 me një motor kur piloti kishte një “çështje të mundshme mjekësore”.
Një pasagjer e drejtoi aeroplanin, pa probleme në aeroportin ndërkombëtar të Palm Beach.
Sipas audios së LiveATC.net, pasagjeri i tha kontrollit të trafikut ajror se piloti është bërë jokoherent dhe unë nuk e kam idenë se si ta drejtoj aeroplanin.
“Unë shoh bregdetin e Floridës përballë meje dhe nuk e kam idenë.”
“Përpiquni të ndiqni bregdetin ose në veri ose në jug,” tha kontrollori. “Ne po përpiqemi t’ju gjejmë.”
Kontrolli i trafikut ajror gjeti avionin, i cili ishte jashtë Boca Raton.
Në videon e siguruar nga CNN, aeroplani mund të shihet duke u ulur ngadalë dhe pa probleme.
KËTU mund ta shikoni videon.